Verfasst von Anita Volders.
Vorgetragen im Stauferkeller am 05.05.2014.

Onverjejßlich es ming Kengerzitt.
Wat litt se doch sue witt, sue witt.
Wenn de Mam dong met os beäne,
os vöör et Schloffejooeh noch seäne.
Entsenn mich an hör lejjv Jesech,
krigg ömmer noch ne Hazzensstech.

De Mam braht os d’r Hömmel noeh
hü froeg ich, woe es d’r Hömmel, woe?
Nue weäd ich ooet än minge Verstank
sätt, nöühm se mich wier ajjen Hank,
wanderet met mich dörch de Zitt op Eäde,
ich jlöüv, ich küüent e Kenk wörrem weäde.

Beänet, gauet andächtig ming Häng,
füehlt mich net luuter sue alleng,
een här Jesech küüent ich ouch leäse
e Zitat, womet se mich zereäht jeweäse:

“Et es bejster jät Schönns ze verlüse,
als wenn Du et nie hauts jehatt.”

Merssi an Anita Volders für die Erlaubnis ihren Vortrag zu veröffentlichen!